ამხანაგური მატჩი: ლოკომ ბათუმის დინამო დაამარცხა

ამხანაგური მატჩი: ლოკომ ბათუმის დინამო დაამარცხა
28/07/2018

ამხანაგური მატჩი: ლოკომ ბათუმის დინამო დაამარცხა

თბილისის ლოკომოტივმა, ამხანაგურ მატჩში ბათუმის დინამო დაამარცხა. 28 ივლისს, საგურამოს საფეხბურთო ბაზაზე გამართული მატჩი, ლაშა ჭაღიაშვილის გუნდმა 3-1 მოიგო.

პირველი ნახევარი, ლოკომ მამია გავაშელიშვილის გოლით მოიგო. მამიამ მსაჯის მიერ კომპენსირებულ დროში გაიტანა.

50-ე წუთზე სტუმრებმა წონასწორობა აღადგინეს. ლუკა შეროზიას კარი გიორგი ილურიძემ აიღო. 75-ე წუთზე გავაშელიშვილმა დუბლი შეასრულა.

მატჩის საბოლოო შედეგი, 89-ე წუთზე თეიმურაზ შონიამ დააფიქსირა.

ეროვნული ლიგის, მოსამზადებელი ეტაპის ფარგლებში, დინამოსთან გამარჯვება ლოკომოტივისთვის რიგით მესამეა. წინა ორ მატჩში, ლაშა ჭაღიაშვილის გუნდმა შევარდენი 1906 და ქობულეთის შუქურა დაამარცხა.

ეროვნული ლიგის მე-19 ტურში, ლოკომოტივი 4 აგვისტოს სამტრედიას დაუპირისპირდება. მატჩი მიხეილ მესხის სათადარიგო მოედანზე, 17:30 წუთზე გაიმართება.

ლოკომოტივი: შეროზია, გაბაძე, ჭანტურია (კაპ) (ქურდაძე 75), ლობჟანიძე, კომახიძე, გვალია (ანდრონიკაშვილი 80), ძებნიაური (შონია 60), სამურკასოვი (დავითაშვილი 55), კიკაბიძე (გრძელიძე 70), კობახიძე (ინჯგია 46), გავაშელიშვილი (ოზბეთელაშვილი 80)

მთავარი მწვრთნელი: ლაშა ჭაღიაშვილი

more news