ლოკო საგურამოში მარტვილის მერანს უმასპინძლებს
29/08/2025
ლოკო საგურამოში მარტვილის მერანს უმასპინძლებს
ეროვნული ლიგა 2-ის 21-ე ტურში თბილისის ლოკომოტივი საგურამოში მარტვილის მერანს მიიღებს.
მიმდინარე სეზონში გუნდები ერთმანეთის წინააღმდეგ მესამედ ითამაშებენ. მესამე ტურში ლოკო საგურამოში 1:2 დამარცხდა, ჩვენი გუნდიდან გოლი ლაშა კალანდაძემ გაიტანა. მე-12 ტურში ლოკომ მერანს სტუმრად მოუგო (0:2), გოლები თორნიკე მოლაშვილისა და დათო ბუკიას ანგარიშზეა.
20 ტურის შემდეგ ლოკომ 24 ქულა დააგროვა და მე-6 ადგილზეა.
21-ე ტურში ლოკოსა და მარტვილის მერანის მატჩი საგურამოში 30 აგვისტოს, 18:00 საათზე დაიწყება.
