ლოკო ბოლნისის სიონთან მატჩისთვის ემზადება
08/11/2024
ლოკო ბოლნისის სიონთან მატჩისთვის ემზადება
თბილისის ლოკომოტივი ეროვნული ლიგა 2-ის 2024 წლის სეზონის 32-ე ტურის შეხვედრისთვის ემზადება, რომელსაც გორში, თენგიზ ბურჯანაძის სახელობის სტადიონზე ბოლნისის სიონთან ჩაატარებს.
ჩვენმა გუნდმა უკანასკნელ 5 შეხვედრაში ერთხელ მოიგო, 2 მატჩი ფრედ დასრულდა, ხოლო 2-ჯერ დამარცხდა. 38 ქულა გვაქვს და გათამაშების ცხრილში მე-7 ადგილს ვიკავებთ.
რაც შეეხება მეტოქეს, სიონი 54 ქულით მე-3 ადგილზეა და ეროვნული ლიგის საგზურის მოსაპოვებლად აქტიურად იბრძვის.
მიმდინარე სეზონში ლოკომ და სიონმა 3-ჯერ ითამაშეს. სამივე მატჩი ბოლნისელთა გამარჯვებით დასრულდა.
გორის სტადიონზე გუნდებს შორის მატჩი 9 ნოემბერს 17:00 საათზე დაიწყება.
