ლოკო მეორე წრეს სპაერთან საშინაო მატჩით გახსნის

თბილისის ლოკომოტივი ეროვნული ლიგა 2-ის მეორე წრის (მე-10 ტური) პირველ შეხვედრას საკუთარ მოედანზე სპაერთან ჩაატარებს.

წინა ტურში ჩვენმა ფეხბურთელებმა საგარეჯოს გარეჯი დამაჯერებლად, 4:1 დაამარცხეს. მიხეილ მესხი 2-ზე ჩატარებულ მატჩში გოლები მენთეშაშვილმა, ბაშელეიშვილმა და გავაშელიშვილმა (დუბლი) გაიტანეს.

ჩვენი მეტოქე სპაერი ამ მომენტისთვის გათამაშების ცხრილსი მე-8 ადგილზეა 9 ქულით. გუნდმა 1 შეხვედრა მოიგო, 6-ჯერ ფრე ითამაშა, ხოლო 2-ჯერ წააგო.

პირველ წრეში ლოკოსა და სპაერს შორის ჩატარებული მატჩი ფრედ, 1:1 დასრულდა. ჩვენი გუნდის რიგებიდან თავი ბიძინა მახარობლიძემ გამოიჩინა.

ეროვნული ლიგა 2-ის მე-10 ტურის მატჩი 1 მაისს მიხეილ მესხი 2-ზე 19:00 საათზე დაიწყება და მასზე დასწრება თავისუფალია.

ეროვნული ლიგა 2 I მე-10 ტური

ბოლნისის სიონი - შტურმი
არაგვი - გარეჯი
ხობი - ვიტ ჯორჯია
რუსთავი - დინამო თბილისი 2
ლოკომოტივი - სპაერი