ლოკო რუსთავთან მატჩისთვის ემზადება

14/09/2024

თბილისის ლოკომოტივი ეროვნული ლიგა 2-ის 24-ე ტურის შეხვედრას რუსთავის წინააღმდეგ გამართავს.

ჩვენი გუნდი ამ მომენტისთვის სატურნირნო ცხრილში 26 ქულით მე-8 ადგილზეა. გასულ ტურში ლოკო ბოლნისში ადგილობრივ სიონთან დამარცხდა.

რაც შეეხება ჩვენს მეტოქეს, რუსთავი 44 ქულით ეროვნულ ლიგა 2-ში პირველ ადგილზეა. ბოლო 5 თამაშში 3 გამარჯვება აქვს, ხოლო 23-ე ტურში ხობს 4:2 მოუგო.

მიმდინარე სეზონში რუსთავთან ორჯერ ვითამაშეთ, ორივე შეხვედრა ფრედ (0:0, 1:1) დასრულდა.

ლოკოსა და რუსთავის მატჩი ქალაქ გორის სტადიონზე 15 სექტემბერს 19:00 საათზე გაიმართება.