ლოკო რუსთავთან საშინაო მატჩისთვის ემზადება

თბილისის ლოკომოტივი ეროვნული ლიგა 2-ის 2025 წლის მეხუთე ტურის მატჩს საგურამოში გათამაშების ლიდერ რუსთავთან ჩაატარებს.

ოთხი ტურის შემდეგ ლოკოს 3 ფრე და ერთი მარცხი აქვს, ხოლო ამ შედეგით სატურნირო ცხრილში მერვე პოზიციას იკავებს. გასულ ტურში დენის ამოაკოს გოლით ქულა სამტრედიასთან მოვიპოვეთ.

რაც შეეხება მეტოქეს, რუსთავმა სამჯერ მოიგო და ერთი შეხვედრა ფრედ დაასრულა, 10 ქულა აქვს და ცხრილის ერთპიროვნული ლიდერია.

გასულ სეზონში გუნდებმა ერთმანეთთან ოთხჯერ ითამაშეს. აღსანიშნავია, რომ ორჯერ გავიმარჯვეთ, ხოლო ორი მატჩი ფრედ დასრულდა.

ლოკოსა და რუსთავის შეხვედრა საგურამოში 6 აპრილს 17:00 საათზე დაიწყება.

ეროვნული ლიგა 2 I მე-5 ტური:

გონიო - მეშახტე
სპაერი - სამტრედია
სიონი - იბერია 2
ლოკომოტივი - რუსთავი
დინამო 2 - მარტვილის მერანი