ლოკომოტივის ორი ფეხბურთელი საქართველოს 21-წლამდელთა ნაკრებში გამოიძახეს

საქართველოს 21-წლამდელთა ნაკრების მთავარმა მწვრთნელმა, რამაზ სვანაძემ სექტემბრის ოფიციალური მატჩებისთვის გუნდის შემადგენლობა დაასახელა.

ლოკომოტივიდან საქართველოს ასაკობრივ ნაკრებში მეკარე ლევან თანდილაშვილი და გეგი გეგუჩაძე მოხვდნენ.

ევროპის 2025 წლის ჩემპიონატის საკვალიფიკაციო ეტაპს საქართველოს 21-წლამდელთა ნაკრები 6 სექტემბერს, გიბრალტართან საშინაო მატჩით გახსნის. 12 სექტემბერს კი სვანაძის გუნდი მოლდოვას სტუმრად დაუპირისპირდება.

U21 | შემადგენლობა:

მეკარეები: ლევან თანდილაშვილი (ლოკომოტივი თბილისი), ლუკა ხარატიშვილი (სამტრედია), მიხეილ მაქაცარია (დინამო თბილისი).

მცველები: გეგი გეგუჩაძე (ლოკომოტივი თბილისი), გიორგი მაისურაძე (დინამო თბილისი), საბა გოგლიჩიძე (ტორპედო ქუთაისი), ლუკა ლაცაბიძე (დინამო თბილისი), ზურაბ რუხაძე (მეტა, ლატვია), საბა მამაცაშვილი (გაგრა), საბა ხვადაგიანი (დინამო თბილისი).

ნახევარმცველები: ლევან ოსიყმაშვილი (დინამო თბილისი), ნოდარ ლომინაძე (სამგურალი წყალტუბო), ოთარ მამაგეიშვილი (საბურთალო), ნიკოლოზ ცხოვრებაშვილი (ლიეპაია, ლატვია), ლაშა ოდიშარია (დინამო თბილისი), თორნიკე მორჩილაძე (თელავი), გაბრიელ სიგუა (ბაზელი, შვეიცარია), ირაკლი ეგოიანი (ტვენტე, ნიდერლანდები).

თავდამსხმელები: ვასილიოს გორდეზიანი (პაოკი, საბერძნეთი), გიორგი აბუაშვილი (პეტროლული, რუმინეთი), ჯადული იობაშვილი (დინამო თბილისი), შალვა ოგბაიძე (დენ ბოსხი, ნიდერლანდები), გიორგი კვერნაძე (ფროსინონე, იტალია).