თურქეთის ნაცვლად ესპანეთში - ლოკო შეკრებაზე მიემგზავრება

თურქეთის ნაცვლად ესპანეთში - ლოკო შეკრებაზე მიემგზავრება
04/02/2021

თურქეთის ნაცვლად ესპანეთში - ლოკო შეკრებაზე მიემგზავრება

ლოკომოტივმა ზამთრის მოსამზადებელი პერიოდის პირველი ეტაპი დაასრულა. გია ჭიაბრიშვილის გუნდი, ინტენსიურ წვრთნას თბილისის ზღვაზე მდებარე ზესტაფონის საფეხბურთო ბაზაზე გადიოდა. თავდაპირველი გეგმის მიხედვით, ლოკო უცხოურ შეკრებას თურქეთში გეგმავდა; თუმცა, მოხდა ცვლილებები და ბელეკის ნაცვლად, თბილისელები შეკრებას ესპანეთში გაივლიან.

 

თბილისური შეკრების ფარგლებში, ლოკომოტიველებმა ოთხი ტესტ-მატჩიც გამართეს. პირველ შეხვედრაში, ჩვენმა გუნდმა დიდი ანგარიშით - 8:0 დაამარცხა გარეჯი. ამის შემდეგ, ლოკომ 1:1 ითამაშა საბურთალოსთან; დინამო ბათუმთან 1:2 დავმარცხდით, ხოლო თბილისში გამართულ ბოლო ტესტ-მატჩში, ჭიაბრიშვილის გუნდმა გაგრასთან სამბურთიანი სხვაობით წააგო.  

 

6 თებერვალს, ლოკომოტივი ესპანეთში, ანდალუზიის რეგიონში, ქალაქ მარბელაში გაემგზავრება, სადაც ორკვირიან შეკრებას გაივლის და საერთაშორისო ამხანაგურ მატჩებს გამართავს:

 

8 თებერვალი - ლოკომოტივი Vs როსტოვი (რუსეთი)

 

11 თებერვალი - ლოკომოტივი Vs კრასნოდარი (რუსეთი)

 

14 თებერვალი - ლოკომოტივი Vs ლოკომოტივი მოსკოვი (რუსეთი)

 

17 ან 18 თებერვალი - მალაგა Vs ლოკომოტივი

 

ლოკომოტივი თბილისში 20 თებერვალს დაბრუნდება და ჩემპიონატის განახლებამდე, 1 კვირა მზადებას დედაქალაქში გააგრძელებს.

more news