ზედიზედ მეოთხე გამარჯვება - ლოკომ არაგვთან მნიშვნელოვანი 3 ქულა მოიპოვა
30/11/2024
ზედიზედ მეოთხე გამარჯვება - ლოკომ არაგვთან მნიშვნელოვანი 3 ქულა მოიპოვა
თბილისის ლოკომოტივმა ეროვნული ლიგა 2-ის 2024 წლის სეზონის ბოლოსწინა, 35-ე ტურის შეხვედრაში საგურამოში დუშეთის არაგვი 1:0 დაამარცხა.
შეხვედრაში ერთადერთი გოლი ლუკა წულუკიძემ 52-ე წუთზე გაიტანა და ჩვენს გუნდს ძალიან მნიშვნელოვანი 3 ქულა მოუტანა. მატჩამდე ლოკო მე-7 ადგილზე, პლეი აუტის ზონაში იყო, ხოლო ამ გამარჯვების შემდეგ 50 ქულა დააგროვა და ბოლო ტურის წინ მე-4 ადგილზეა.
ეს გამარჯვება ჩვენი გუნდისთვის ზედიზედ მეოთხე იყო. მანამდე ხობის კოლხეთი, რუსთავი და ბოლნისის სიონი დავამარცხეთ.
ბოლო ტურის მატჩს თბილისის ლოკომოტივი 8 დეკემბერს საგარეჯოს გარეჯთან გამართავს, რომელმაც პირველი ადგილი და ეროვნული ლიგის საგზური უკვე გაინაღდა.
