ფრე ვარკეთილთან და ლიგა 3-ის პლეი-ოფში მოხვედრის შანსი

რეგიონული ლიგის უკანასკნელ ტურში, ლოკომოტივი 2 გათამაშების ლიდერ ვარკეთილს დაუპირისპირდა და ფრე ითამაშა. 16 ნოემბერს, თბილისში გამართული დაპირისპირება 2:2 დასრულდა.

ვარკეთილმა 54 ქულა დააგროვა და გ ჯგუფის გამარჯვებული გახდა, რითაც ლიგა 3-ში თამაშის უფლება მოიპოვა.

მასპინძლებმა პირველი ნახევარი 2:0 მოიგეს. ლოკოს კარში გოლები გიორგი ზუბიაშვილმა და გიგი სამადაშვილმა გაიტანეს.

57-ე წუთზე, შეცვლაზე შესულმა გიორგი წულეისკირმა ანგარიში შეამცირა. მატჩის საბოლოო ანგარიში 81-ე წუთზე ირაკლი ბუღრიძემ დააფიქსირა.

ვლადიმერ ვაშაძის გუნდმა გ ჯგუფი მეორე ადგილზე დაასრულა, რითაც პლეი-ოფში თამაშის უფლება მოიპოვა. ლოკომოტივი 2 ბ ჯგუფის მეორეადგილოსან არაგვს დაუპირისპირდება.

მატჩი 22 ნოემბერს, მცხეთაში გაიმართება. გამარჯვებული გუნდი ლიგა 3-ის პლეი-ოფში თამაშის უფლებას მოიპოვებს.

ლოკომოტივი: შეროზია, ძებნიაური (კაპ), უჩა ჯანაშია (ნანობაშვილი 78), ცერცვაძე, ლურსმანაშვილი, მენთეშაშვილი, დუმბაძე, კიკნაძე, ბუღრიძე, სილაგაძე (წულეისკირი 46), კანდელაკი (ლუკა ჯანაშია 46)

მთავარი მწვრთნელი: ვლადიმერ ვაშაძე

არბიტრი: ბაკურ ნინუა (ქუთაისი)