ლოკო 2-მა საქართველოს თასზე მარტვილის მერანი დაამარცხა
09/06/2024
ლოკო 2-მა საქართველოს თასზე მარტვილის მერანი დაამარცხა
საქართველოს დავით ყიფიანის თასის 1/32 ფინალური ეტაპის შეხვედრაში ლოკო 2 მარტვილის მერანს დაუპირისპირდა და დამაჯერებლად გაიმარჯვა - 4:1.
შეხვედრა ჩვენი გუნდის უპირატესობით დაიწყო. პირველი ტაიმი ლაშა კალანდაძისა და მიხეილ ბაშელეიშვილის გოლებით 2:0 მოვიგეთ.
მეორე ნახევარში ლოკო 2 აქტიურობას აგრძელებდა და 62-ე წუთზე ბონიმ სხვაობა სამამდე გაზარდა.
მარტვილელებმა ერთი გოლი 67-ე წუთზე გაქვითეს, თავი ჩხაიძემ გამოიჩინა, ხოლო საბოლოო ანგარიში ჩვენი გუნდის წევრმა, დავით გოგიჩაიშვილმა 69-ე წუთზე დააფიქსირა.
დავით ყიფიანის სახელობის თასის 1/16 ფინალში ლოკო 2-ის მეტოქე შტურმი იქნება.
