მოსამზადებელ ეტაპზე ლოკო 2 წაუგებლად გამოსვლას აგრძელებს - გუნდმა ზედიზედ მეოთხე მატჩი მოიგო
19/07/2023
მოსამზადებელ ეტაპზე ლოკო 2 წაუგებლად გამოსვლას აგრძელებს - გუნდმა ზედიზედ მეოთხე მატჩი მოიგო
ლოკომოტივი 2 სეზონის წინ მოსამზადებელ ეტაპზე წაუგებლად გამოსვლას აგრძელებს. ჩვენმა გუნდმა მორიგი ამხანაგური მატჩი საფეხბურთო კლუბ ბორჯომთან ჩაატარა და 7:1 გაიმარჯვა.
დიღმის ოლიმპიური სოფლის სტადიონზე გამართულ შეხვედრაში ლოკო 2-ის მხრიდან დუბლები გაიფორმეს დარტონმა და ბუშელაშვილმა, ხოლო თითო გოლით თავი გამოიჩინეს ონიანმა, ბუკიამ და უკლებამ.
აღსანიშნავია, რომ ეს გამარჯვება ლოკო 2-ისთვის ზედიზედ მეოთხე იყო. ჩვენი გუნდი ლიგა 3-ში სეზონს 3 აგვისტოს, გურიასთან მატჩით განაახლებს.