თბილისის ლოკომოტივმა ბენდელას თასი მოიგო

ბენდელას თასის 2024 წლის გათამაშება თბილისის ლოკომოტივის გამარჯვებით დასრულდა.

გათამაშების ფინალში ჩვენმა აკადემიის გუნდმა ყაზახური კაირატი 1:0 დაამარცხა. წლევანდელ ტურნირზე 16 გუნდი 4 ქვეჯგუფში გადანაწილდა.

პირველ შეხვედრაში ლოკომ ერთობას 7:0 სძლია. იაშვილმა 3 გოლი გაიტანა, თითოჯერ თავი ზეინკლიშვილმა, ფაჩულიამ, ამირანაშვილმა და ბაღანაშვილმა გამოიჩინეს.

შემდეგ იბერიასთან 4:3 გავიმარჯვეთ, ორჯერ ბაღანაშვილმა გაიტანა, ხოლო ორჯერ - ყიფიანმა. მერე კი გურჯაანი 6:0 დავამარცხეთ - იაშვილმა ორჯერ შეძლო თავის გამოჩენა, ბაღანაშვილმა, ამირანაშვილმა, ზეინკლიშვილმა და ბლიაძემ თითოჯერ. 

მეოთხედფინალში იბერიასთან 1:0 ბლიაძის გოლით გავიმარჯვეთ, ფინალში გასასვლელ შეხვედრაში კი ინტერის აკადემიას 2:0 ბაღანაშვილისა და ყიფიანის გოლით ვაჯობეთ.

რაც შეეება ფინალს, კაირატის კარში გამარჯვების გოლი იაშვილის ანგარიშზეა.

ფინალის საუკეთესო ფეხბურთელი გიორგი იაშვილი გახდა, ტურნირის საუკეთესო მეკარე - ნიკოლოზ ჩიხლაძე, ყველაზე ტექნიკური ფეხბურთელი ნიკოლოზ ბაღანაშვილი. საუკეთესო მწვრთნელად ლოკოს დამრიგებელი ლაშა კვარაცხელია აღიარეს, ხოლო შეჯიბრების საუკეთესო ფეხბურთელად საბა სუჯაშვილი დასახელდა.