ლოკოს 19 წლამდე გუნდი მიუნხენის ბაიერნის 19 წლამდე გუნდთან ითამაშებს

თბილისის ლოკომოტივის აკადემიის 19 წლამდე გუნდი, მიუნხენის ბაიერნის 19 წლამდე გუნდის წინააღმდეგ ამხანაგურ მატჩს გამართავს.

სულიკო დავითაშვილის გუნდი მიუნხენში 5 ივლისს გაემგზავრება. ბაიერნთან მატჩი 7 ივლისს, აკადემიის ბაზაზე გაიმართება.

მიუნხენელთა 19 წლამდე გუნდს სებასტიან ჰიონესი წვრთნის. გუნდი რეგულარულად თამაშობს უეფას ახალგაზრდულ ლიგაზე. გასულ წელს, ბაიერნის აკადემიის გუნდი 19 წლამდე ბუნდესლიგის ვიცე-ჩემპიონი გახდა.

ლოკომოტივი გერმანიაში 18 ფეხბურთელით გაემგზავრება.

მეკარეები: ზურაბ გუგუშვილი, გიორგი მიქავა

მცველები: ლუკა ჯაფარიძე, ავთანდილ სირაძე, ბექა ბუიღლიშვილი, ირაკლი ჯავახიშვილი, თემურ ძაძამია, სანდრო ქაჯაია, ზურაბ ბაქრაძე

ნახევარმცველები: ლუკა ჯანაშია (კაპ), საბა ჯინჭარაძე, ვანო ოქროპირიძე, დავით ნაჭყებია, ბექა ფილფანი, ლევან გრძელიძე

თავდამსხმელები: რევაზ ინჯგია, გიორგი იაკობიძე, შოთა შეყილაძე

მიუნხენში გამგზავრებამდე, ლოკოს 19 წლამდე გუნდი 4 ივლისს, 10:00 საათზე, საგურამოს ბაზაზე ღია ვარჯიშს გამართავს.