ლოკოს აკადემიის გუნდების შედეგები ახალკაცის ფესტივალზე
02/06/2024
ლოკოს აკადემიის გუნდების შედეგები ახალკაცის ფესტივალზე
თბილისის ლოკომოტივის აკადემიის ასაკობრივი გუნდები ახალკაცის თასზე ასპარეზობენ.
2013 წელს დაბადებულთა შორის ჩვენმა გუნდმა მესამე ადგილისთვის შეხვედრაში თბილისის იბერია 3:2 დაამარცხა. ნიკოლოზ ბლიაძემ დუბლი შეასრულა, ხოლო ერთი გოლი ლუკა კაკაბაძემ გაიტანა.
9-წლამდელთა შორის ჩვენმა ფეხბურთელებმა ავაზა 1:0 სანდრო მახათაძის გოლით დაამარცხეს. ხაშურს 2:0 როგავას და მიქაძის გოლებით სძლიეს.
U10 გუნდი, სამწუხაროდ, ჯგუფიდან ვერ გავიდა, ხოლო U11 გუნდმა ინტერის აკადემიას 2:1 სძლია და ჯგუფში პირველი ადგილი დაიკავა.
