13 წლამდე გუნდი კოსტა ბრავას საერთაშორისო ტურნირზე მიემგზავრება

თბილისის ლოკომოტივის აკადემიის 13 წლამდე გუნდი, ესპანეთის ქალაქ ბარსელონაში გასამართ საერთაშორისო ტურნირში მიიღებს მონაწილეობას.

კოსტა-ბრავას სანაპიროზე, საფეხბურთო ტურნირი 11-დან 16 აპრილის ჩათვლით გაიმართება და მასში მონაწილეობას 260-მდე საფეხბურთო კლუბის აკადემია მიიღებს.

13 წლამდე ასაკის ფეხბურთელებს შორის, ტურნირში მონაწილეობას, ბარსელონას, მანჩესტერ სიტის, მილანის ინტერის, მადრიდის ატლეტიკოს, პორტოს, თელ ავივის მაკაბისა და ესპანიოლის, ასევე აშშ-ის, იაპონიისა და სხვადასხვა ქვეყნის გუნდების აკადემიები მიიღებენ.

ლოკომოტივის 13 წლამდე გუნდი J ჯგუფში ესპანურ საბადელთან, ატლეტიკ ბისბალენკთან და იაპონურ კიუში სელექტთან ერთად იასპარეზებს.

გიორგი ჩიტაურის გუნდი, ესპანეთში 11 აპრილს, გამთენიისას გაემგზავრება.