თბილისის ლოკომოტივის აკადემიის გუნდებმა სეზონი დაასრულეს

თბილისის ლოკომოტივის U15, U17 და U19 გუნდებმა საქართველოს ოქროს ლიგაში გამოსვლა დაასრულეს.

U15 გუნდმა სეზონის ბოლო შეხვედრაში მარტვილის მერანი 3:0 დაამარცხა. U17-მა საბურთალოსთან ფრედ ითამაშა, ხოლო U19-მა დინამო თბილისთად 1:1 დაასრულა თავისი მატჩი.

საბოლოოდ, ლოკოს U15 გუნდი 23 ქულით ოქროს ლიგაში მე-7 ადგილზე გავიდა. ჩვენმა ფეხბურთელებმა 7 შეხვედრა მოიგეს, 2-ჯერ ფრედ ითამაშეს და 9-ჯერ დამარცხდნენ. მეტოქეთა კარში მათ 36 გოლი გაიტანეს.

U17 გუნდმა ოქროს ლიგაში მე-4 ადგილი დაიკავა 24 ქულით. ჩვენმა ფეხბურთელებმა 7-ჯერ მოიგეს, 3-ჯერ ფრედ ითამაშეს და 6-ჯერ დამარცხდნენ, მათ 27 გოლის გატანა მოახერხეს.

რაც შეეხება U19 გუნდს, მათ 27 ქულა დააგროვეს და ოქროს ლიგაში მე-5 ადგილი დაიკავეს. ლოკოს ფეხბურთელებმა 8 მატჩი თავიანთი გამარჯვებით დაასრულეს, 3 შეხვედრა ფრედ დასრულდა, ხოლო 7-ჯერ წააგეს. მეტოქეთა კარში U19 გუნდმა 30 გოლი გაიტანა.