ლოკომოტივი - ტორპედო 14 აგვისტოს გაგრძელდება
12/08/2017
ლოკომოტივი - ტორპედო 14 აგვისტოს გაგრძელდება
ეროვნული ლიგის 22-ე ტურის მატჩი, თბილისის ლოკომოტივსა და ქუთაისის ტორპედოს შორის, 14 აგვისტოს, 18:30 წუთზე გაგრძელდება.
გადაწყვეტილება საქართველოს ფეხბურთის ფედერაციის საშეჯიბრო განყოფილებამ, ეროვნული ლიგის დებულების შესაბამისად მიიღო.
11 აგვისტოს, მიხეილ მესხის სათადარიგო მოედანზე გამართული დაპირისპირება, მატჩის არბიტრმა, სტადიონის ტრიბუნაზე მომხდარი ინციდენტის გამო, 85-ე წუთზე შეწყვიტა.
85-ე წუთისთვის, ლოკომოტივი ტორპედოს ირაკლი სიხარულიძის დუბლით ამარცხებდა.
რაც შეეხება 11 აგვისტოს მომხდარ ინციდენტს; აღნიშნულზე, სფფ-ის სადისციპლინო და საფეხბურთო დავების განმხილველი კომიტეტი იმსჯელებს, რომლის სხდომაც სამშაბათს, 15 აგვისტოს ჩატარდება.
