ლოკო დინამო თბილისი 2-ს უმასპინძლებს
27/10/2024
ლოკო დინამო თბილისი 2-ს უმასპინძლებს
თბილისის ლოკომოტივი ეროვნული ლიგა 2-ის 30-ე ტურის შეხვედრისთვის ემზადება, რომელსაც საკუთარ მოედანზე დინამო თბილისი 2-თან ჩაატარებს.
მოახლოებულ შეხვედრას ლოკო გამარჯვებით ხვდება, წინა ტურში გასვლაზე ვიტ ჯორჯია 3:1 დავამარცხეთ. მატჩში გოლების გატანა მჭედლიშვილმა, ოზბეთელაშვილმა და დენისმა მოახერხეს.
რაც შეეხება მეტოქეს, დინამო თბილისი 2-ს 4-მატჩიანი წაგებების სერია აქვს და ეროვნულ ლიგა 2-ში გამართული 29 მატჩის შემდეგ მე-5 ადგილზეა.
მიმდინარე სეზონში ლოკომ და დინამო 2-მა 3-ჯერ ითამაშეს. ერთხელ მოვიგეთ, ერთი მატჩი ფრედ დასრულდა, ხოლო ერთხელ დავმარცხდით.
გუნდებს შორის მატჩი 28 ოქტომბერს მიხეილ მესხზე 18:00 საათზე დაიწყება.
