ლოკო ეროვნულ ლიგა 2-ში სეზონს არაგვთან შეხვედრით განაახლებს
29/07/2024
ლოკო ეროვნულ ლიგა 2-ში სეზონს არაგვთან შეხვედრით განაახლებს
თბილისის ლოკომოტივი ეროვნული ლიგა 2-ის 2024 წლის სეზონის განახლებისთვის აქტიურად ემზადება.
ჩვენი გუნდის მეტოქე გათამაშების მე-17 ტურში დუშეთის არაგვი იქნება, რომელმაც 16 შეხვედრის შემდეგ 21 ქულა დააგროვა და სატურნირნო ცხრილში მე-6 ადგილს იკავებს.
რაც შეეხება ლოკოს, ჩვენი გუნდი ამ მომენტისთვის ეროვნულ ლიგა 2-ში 16 ქულით მე-9 ადგილზეა.
ლოკომოტივმა და არაგვმა მიმდინარე სეზონში ერთხელ უკვე ითამაშეს. 22 აპრილს გამართული მატჩი არაგვის გამარჯვებით 3:1 დასრულდა, ლოკოს მხრიდან კი გოლის გატანა ნიკოლოზ ბაშელეიშვილმა მოახერხა.
ეროვნული ლიგა 2-ის მე-17 ტურის მატჩი მიხეილ მესხი 2-ზე 31 ივლისს 20:00 საათზე გაიმართება და მასზე დასწრება თავისუფალია.
