19 წლამდე ლიგა - ლოკომ ტორპედო დაამარცხა

19 წლამდე ლიგის მე-13 ტურში, თბილისის ლოკომოტივის აკადემიის გუნდმა ქუთაისის ტორპედო დაამარცხა. 24 მაისს, საგურამოში გამართული დაპირისპირება, სულიკო დავითაშვილის გუნდმა 4-1 მოიგო.

ანგარიში მე-8 წუთზე სტუმრებმა გახსნეს. საბა ჭინჭარაძემ ბურთი საკუთარ კარში ჩაჭრა და ამ ავტოგოლით ტორპედო დაწინაურდა. 25-ე წუთზე ლუკა პაპიაშვილმა წონასწორობა აღადგინა.

44-ე და 45-ე წუთებზე დიმა შარიქაძემ და გიორგი იაკობიძემ კიდევ ორი გოლი გაიტანეს.

მატჩის საბოლოო შედეგი, 86-ე წუთზე, ბექა ფილფანმა დააფიქსირა. ლოკომოტივს 12 ტურის შემდეგ 34 ქულა აქვს და პირველ ადგილზეა.

ლოკომოტივი: მიქავა, ქაჯაია, სირაძე (კაპ), შარიქაძე, კიკალიშვილი, ჭინჭარაძე (ჯანაშია 46), პაპიაშვილი, ნაჭყებია, ფილფანი, გოლუბიანი (გრძელიძე 55), იაკობიძე

მთავარი მწვრთნელი: სულიკო დავითაშვილი

არბიტრი: ალეკო აფციაური