გიორგი მინაშვილი - სეზონისთვის მოსამზადებელმა ეტაპმა კარგად ჩაიარა, ლოკო 2-ის შემადგენლობა ახალგაზრდა ფეხბურთელებითაა დაკომპლექტებული

თბილისის ლოკომოტივი 2 ახალი სეზონისთვის მზადებას ასრულებს. ჩვენი გუნდი 2025 წელს ეროვნულ ლიგა 3-ში გაატარებს. პირველი ტურის მატჩს ლოკო 2 28 მარტს სტუმრად ბეთლემის წინააღმდეგ გამართავს.

მოახლოებული სეზონისა და განვლილი მოსამზადებელი პერიოდის შესახებ ლოკო 2-ის მთავარ მწვრთნელს, გიორგი მინაშვილს ვესაუბრეთ.

„მოსამზადებელმა ეტაპმა მაღალ დონეზე ჩაიარა, კარგი ამხანაგური შეხვედრები ჩავატარეთ. შემადგენლობა ახალგაზრდა ფეხბურთელებითაა დაკომპლექტებული და ეროვნული ლიგა 3-ის გათამაშება მათთვის საინტერესო გამოწვევა იქნება. ეს მათი განვითარებისთვის მნიშვნელოვანი ეტაპია.

ახალგაზრდული ბირთვიდან გამომდინარე, ჩვენი მიზანი მინიმუმ სატურნირო ცხრილის ათეულში შესვლა იქნება, თუმცა ეს არ გამორიცხავს უფრო მაღალი ადგილებისთვის ბრძოლას. წინ საინტერესო სეზონი გველოდება“, - განაცხადა გიორგი მინაშვილმა.