ლოკოს U12 გუნდი გრასრუტსის თასის ჩემპიონია

თბილისის ლოკომოტივის 12-წლამდელთა გუნდი სამტრედიის საფეხბურთო ცენტრში გამართული ტურნირის, გრასრუტსის თასის გამარჯვებულია.

ლოკომ პირველ შეხვედრაში ბათუმის დინამო 4:0 დაამარცხა. ამ მატჩში ნიკოლოზ ბაღანაშვილმა დუბლი შეასრულა, დაჩი ლაფაჩისა და რატი ამირანაშვილის ანგარიშზე კი თითო გოლია.

შემდეგ ჩვენმა ფეხბურთელებმა სამტრედიას 2:0 სძლიეს, მეტოქის კარში გოლები ზაზა ჩაგელიშვილმა და ნიკოლოზ ბაღანაშვილმა გაიტანეს. ამას მოჰყვა ტორპედოსთან 2:1 მოგება ბაღანაშვილისა და გიორგი მაკარაშვილის გოლებით.

სერვალთან მატჩი 0:0 დასრულდა, ჩვენმა ფეხბურთელებმა პენალტების სერიაში იმარჯვეს. თერთმეტმეტრიანი დარტყმა ზუსტად გიორგი ყიფიანმა, დაჩი ლაფაჩმა, გიორგი ლურსმანაშვილმა და ნიკოლოზ ბაღანაშვილმა შეასრულეს. მოგერიებული პენალტებით გამოირჩა ჩვენი მეკარე ნიკო ჩიხლაძე.

ქუთაისის ტორპედოსთან ფინალი 0:0 დასრულდა და ლოკომ გამარჯვება აქაც პენალტები სერიაში მოიპოვა. ფინალშიც თავი ჩვენმა მეკარემ, ნიკო ჩიხლაძემ გამოიჩინა.

ტურნირის საუკეთესო მეკარე ნიკოლოზ ჩიხლაძე გახდა, საუკეთესო მცველი - ლუკა კაკაბაძე, ტურნირის საუკეთესო ფეხბურთელად კი ნიკოლოზ ბაღანაშვილი დასახელდა.