ლოკო 2 საქართველოს თასის 1/8 ფინალში გავიდა

თბილისის ლოკომოტივი 2 საქართველოს დავით ყიფიანის სახელობის თასის 1/8 ფინალში ითამაშებს.

1/16 ფინალური ეტაპის შეხვედრაში ჩვენმა გუნდმა დრამატულ ბრძოლაში შტუმრს მოუგო - 3:3 (5:3 პენ).

მატჩის ძირითადი დრო 2:2 დასრულდა. ლოკო 2 ალექსანდრე თურქიასა და გაბრიელ ხუციშვილის გოლებით 2:1 იგებდა, თუმცა მეორე ტაიმში, 62-ე წუთზე მეტოქემ წონასწორობა აღადგინა.

დამატებით დროში გუნდემა თითო გოლი გაცვალეს. ნიკოლოზ ნინიძემ ჩვენი გუნდი კიდევ ერთხელ 99-ე წუთზე დააწინაურა, ხოლო ანგარიში მორიგ ჯერზე ირაკლი ზარიძემ გაათანაბრა, მან გოლი 104-ე წუთზე გაიტანა.

პენალტების სერიაში ლოკო 2-ის ფეხბურთელების ხუთივე დარტყმა ზუსტი იყო. თერთმეტმეტრიანი გამოიყენეს: ხუციშვილმა, შაშიაშვილმა, მოლაშვილმა, ჩოხელმა და ნინიძემ.

საქართველოს დავით ყიფიანის თასის 1/8 ფინალური ეტაპის წილისყრა 22 ივლისს ჩატარდება.