ლოკომოტივის 19 წლამდე გუნდმა სეზონი გამარჯვებით დაიწყო

საქართველოს 19 წლამდე ლიგის პირველ ტურში, თბილისის ლოკომოტივის აკადემიის გუნდმა საჩხერის ჩიხურა დაამარცხა. 25 თებერვალს, საგურამოს ბაზაზე გამართული მატჩი, სულიკო დავითაშვილის გუნდმა 12:0 მოიგო.

საწყის 10 წუთში, ლოკომ სამი გოლი გაიტანა. მე-6 და მე-10 წუთებზე, რეზი ინჯგიამ შეასრულა დუბლი. მე-9 წუთზე კი თავი შოთა შეყილაძემ გამოიჩინა. მე-16 წუთზე ლუკა ჯაფარიძემ სტუმრებს მეოთხე გოლი გაუტანა. 30-ე და 34-ე წუთებზე ივანე ოქროპირიძემ და თორნიკე ძებნიაურმა პირველი ტაიმის საბოლოო ანგარიში დააფიქსირეს.

მეორე ნახევარში, ლოკომ კიდევ 6 გოლი გაიტანა. ავთანდილ სირაძემ, საბა ჯინჭარაძემ, ლევან გრძელიძემ, ლუკა პაპიაშვილმა და ბექა ფილფანმა თითო-თითო გოლი გაიტანეს, შოთა შეყილაძემ კი დუბლი შეასრულა.

მომდევნო მატჩს, ლოკოს 19 წლამდე გუნდი 13 მარტს, ვიტ-ჯორჯიას წინააღმდეგ გამართავს.

ლოკომოტივი: მიქავა, ჯაფარიძე (შარიქაძე), სირაძე, ბუიღლიშვილი, ჯინჭარაძე (ფილფანი 49), ჯანაშია, ოქროპირიძე, ძებნიაური (პაპიაშვილი), ინჯგია, გრძელიძე, შეყილაძე

მთავარი მწვრთნელი: სულიკო დავითაშვილი

არბიტრი: ბაკურ ნინუა (ქუთაისი)