სპაერი დრამატულ მატჩში დავამარცხეთ

ეროვნული ლიგა 2-ის 35-ე ტურში ჩვენმა გუნდმა სპაერი სტუმრად დაამარცხა - 2:3. ანგარიში მასპინძლებმა პირველი ტაიმის მეორე დამატებულ წუთზე გახსნეს, გოლი გიორგი ბუნტურის ანგარიშზეა. 62-ე წუთზე ლაშა მენთეშაშვილის საგოლე პასით დათო ბუკიამ ანგარიში გაათანაბრა. 69-ე წუთზე ზაქარია ბასილაშვილის გოლით სპაერი დაწინაურდა, 75-ე წუთზე გიორგი თოდუას გოლით წონასწორობა აღვადგინეთ. ცვლილებაზე გამოსულმა ანდრია ვიბლიანმა მე-4 დამატებულ წუთზე გამარჯვების მომტანი გოლი შეაგდო.

ჩვენმა გუნდმა ძალიან მნიშვნელოვანი 3 ქულა მოიპოვა, ეროვნული ლიგა 2-ის დასრულებამდე 1 ტურით ადრე, 42 ქულით მე-7 ადგილზე ვართ.  ბოლო ტურში კი საგურამოში დინამო 2-ს მივიღებთ. მატჩი 6 დეკემბერს, 13 საათსა და 30 წუთზე დაიწყება.