ამხანაგური მატჩი: ლოკომოტივმა ზაქათალა დაამარცხა

თბილისის ლოკომოტივმა ამხანაგურ მატჩში აზერბაიჯანული ზაქათალა დაამარცხა. 26 იანვარს, საგურამოს ბაზაზე გამართული მატჩი ლაშა ჭაღიაშვილის გუნდმა მინიმალური ანგარიშით მოიგო.

სტუმრებს ერთადერთი გოლი 30-ე წუთზე რემიმ გაუტანა. ლოკოს შემადგენლობაში სადებიუტო მატჩი ჩაატარა დემეტრე ბულისკერიამ, რომელიც სასტარტო შემადგენლობაში იყო. მეორე ნახევარში ის ლუკა შეროზიამ შეცვალა.

ძირითად შემადგენლობაში იყო ჩვენი გუნდის კიდევ ერთი ახალწვეული ალექსანდრე გურეშიძეც. ლოკომ ორივე ტაიმი განსხვავებული შემადგენლობით ჩაატარა.

ლოკომოტივი: ბულისკერია (შეროზია), უბილავა (კაპ) (კომახიძე), გურეშიძე (ჯაფარიძე), ანდრონიკაშვილი, გაბაძე, გვალია (ჯანაშია), შონია (ძებნიაური), კიკაბიძე (არდაზიშვილი), რემი (ოზბეთელაშვილი), ინჯგია (კაკულია), ჯიქია (შეყილაძე)

მთავარი მწვრთნელი: ლაშა ჭაღიაშვილი