ლოკომ საგურამოში მერანთან ფრედ ითამაშა
30/08/2025
ლოკომ საგურამოში მერანთან ფრედ ითამაშა
ეროვნული ლიგა 2-ის 21-ე ტურში თბილისის ლოკომოტივისა და მარტვილის მერანის მატჩი საგურამოში გაიმართა და ფრედ 1:1 დასრულდა.
ანგარიში სტუმრებმა 32-ე წუთზე გახსნეს, გოლი ჯავოხირ ესონკულოვის ანგარიშზეა. 70-ე წუთზე ჩვენი გუნდის ნახევარმცველმა ლაშა მენთეშაშვილმა წონასწორობა აღადგინა და მატჩი 1:1 დასრულდა.
ლოკოს დაუმარცხებელი სერია 4-მატჩიანია. თბილისის დინამო 2-თან გამარჯვების შემდეგ გონიოსთან, მეშახტესთან და მარტვილის მერანთან ფრედ ვითამაშეთ.
ეროვნული ლიგა 2-ის 22-ე ტურის მატჩს სტუმრად სამტრედიასთან ჩავატარებთ. მატჩი ეროსი მანჯგალაძეზე 11 სექტემბერს, 16:00 საათზე დაიწყება.
