რევაზ გოცირიძე - ვეცდებით, დარჩენილ ტურებში სატურნირო მდგომარეობა გავიუმჯობესოთ
14/09/2024
რევაზ გოცირიძე - ვეცდებით, დარჩენილ ტურებში სატურნირო მდგომარეობა გავიუმჯობესოთ
თბილისის ლოკომოტივის შედეგებისა და მომავალი გეგმების შესახებ მთავარმა მწვრთნელმა, რევაზ გოცირიძემ ისაუბრა.
მისი განცხადებით, გუნდის მიზანი მომავალ ტურებში ეროვნულ ლიგა 2-ში მაქსიმალური ქულების დაგროვება და მაღალი ადგილისთვის ბრძოლაა.
„რაც შეეხება მეორე წრეს, 7 თამაში ვითამაშეთ. 3-ში გავიმარჯვეთ, 3-ში დავმარცხდით და ერთი შეხვედრა ფრედ დასრულდა. ჩემთვის ეს შედეგი არადამაკმაყოფილებელია.
ვეცდებით, დარჩენილ ტურებში სატურნირნო მდგომარეობა გამოვისწოროთ და რაც შეიძლება მაღალი ადგილისთვის ვიბრძოლოთ, დანარჩენს, რა როგორ გამოვა, დრო გვიჩვენებს“, - განაცხადა რევაზ გოცირიძემ.
ჩვენი გუნდი ეროვნულ ლიგა 2-ში მორიგი ტურის მატჩს 15 სექტემბერს რუსთავთან ჩაატარებს.
