ლოკო ხობთან შეხვედრისთვის ემზადება
25/11/2024
ლოკო ხობთან შეხვედრისთვის ემზადება
თბილისის ლოკომოტივი ეროვნული ლიგა 2-ის 2024 წლის სეზონის 34-ე ტურის შეხვედრისთვის ემზადება, რომელსაც ხობის კოლხეთთან ჩაატარებს.
ლოკომ გასულ ტურში გათამაშების ერთ-ერთი ლიდერი რუსთავი სტუმრად 1:0 დაამარცხა და ამ მომენტისთვის 44 ქულით ეროვნულ ლიგა 2-ში მე-7 ადგილს იკავებს.
რაც შეეხება ხობს, ჩვენი მეტოქე უკვე ოფიციალურად გავარდნილია, 20 ქულა აქვს და ცხრილში ბოლო, მე-10 ადგილზეა.
მიმდინარე სეზონში ლოკომ და ხობმა ერთმანეთის წინააღმდეგ 3 მატჩი ჩაატარეს. 2 შეხვედრა ფრედ დასრულდა, ხოლო ერთხელ გავიმარჯვეთ.
ლოკოსა და ხობის მატჩი თენგიზ ბურჯანაძის სახელობის სტადიონზე 26 ნოემბერს 17:00 საათზე დაიწყება.
