თბილისის ლოკომოტივი სანაკრებო შესვენებამდე მეშახტეს ესტუმრება

თბილისის ლოკომოტივი ეროვნული ლიგა 2-ის 2025 წლის სეზონის მეორე ტურის მატჩს ტყიბულის მეშახტესთან სტუმრად ჩაატარებს. შეხვედრა ამბროლაურში, აგრანო ვაჩაძის სახელობის სტადიონზე გაიმართება.

ჩვენმა გუნდმა ახალი სეზონის პირველი ტურის მატჩი გორში, დებიუტანტ გონიოსთან ჩაატარა და 1:1 ითამაშა. ლოკოს მხრიდან შეხვედრაში თავის გამოჩენა ლაშა მენთეშაშვილმა მოახერხა. რაც შეეხება მეშახტეს, ჩვენმა მომავალმა მეტოქემ სეზონი ბოლნისის სიონთან წაგებით გახსნა - 0:3.

შესაბამისად, სეზონი ლოკომ 1 ქულით დაიწყო, ხოლო ეროვნულ ლიგა 2-ში წელს აღზევებული მეშახტე მატჩს 0 ქულით ხვდება.

მეშახტისა და ლოკომოტივის შეხვედრა 15 მარტს, 13:00 საათზე დაიწყება.

ეროვნული ლიგა 2-ის მეორე ტურის სხვა მატჩები:

იბერია 2 - დინამო თბილისი 2
მერანი მარტვილი - ბოლნისის სიონი
გონიო - სპაერი
სამტრედია - რუსთავი